स्थानीय बजारमा आज सुन र चाँदीको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार अघिल्लो कारोबार दिनको तुलनामा छापावाल सुनको मूल्य प्रतितोला ३०० रुपैयाँले बढेर २ लाख ९१ हजार ३०० रुपैयाँ पुगेको छ। यस्तै, चाँदीको मूल्य पनि प्रतितोला २५ रुपैयाँले वृद्धि भई ४ हजार ५०५ रुपैयाँ कायम भएको छ।
बुधबार छापावाल सुन प्रतितोला २ लाख ९१ हजार रुपैयाँ र चाँदी ४ हजार ४८० रुपैयाँमा कारोबार भएको थियो। यसअघि मङ्गलबार सुनको मूल्य २ लाख ८५ हजार ६०० रुपैयाँ तथा चाँदी ४ हजार ३७० रुपैयाँ रहेको थियो।
अन्तर्राष्ट्रिय बजारमा देखिएको मूल्य उतारचढावको प्रभाव नेपाली बजारमा पनि परेको व्यवसायीहरूको भनाइ छ। अन्तर्राष्ट्रिय बजारमा आज सुन प्रतिऔँस करिब ४ हजार १३३ अमेरिकी डलर र चाँदी ५९ अमेरिकी डलर आसपासमा कारोबार भइरहेको जनाइएको छ। मूल्यमा आएको यो वृद्धिसँगै स्थानीय बजारमा सुन–चाँदीको कारोबार पनि प्रभावित हुने अपेक्षा गरिएको छ।
