चर्चित नेपाली सेफ सन्तोष साहलाई बैंकिङ कसूर अन्तर्गतको चेक बाउन्स मुद्दामा संलग्न रहेको आरोपमा पक्राउ गरिएको छ। काठमाडौँ उपत्यका अपराध अनुसन्धान कार्यालयको विशेष टोलीले उनलाई गएराति महोत्तरीबाट नियन्त्रणमा लिएको प्रहरीले जनाएको छ।
पक्राउ परेका साहलाई काठमाडौँ ल्याई थप कानुनी प्रक्रिया अगाडि बढाइने तयारी भइरहेको छ। प्रहरीका अनुसार उनीमाथि विभिन्न बैंकिङ कारोबारसँग सम्बन्धित उजुरीहरू दर्ता भएका थिए र आवश्यक अनुसन्धानपछि पक्राउ गरिएको हो। साहलाई अब अदालतमा उपस्थित गराई कानुनी प्रक्रिया अघि बढाइने बताइएको छ।
उनी लामो समयदेखि बैंकिङ कसूरसम्बन्धी अनुसन्धानको निगरानीमा रहेको पनि स्रोतले जनाएको छ। प्रकरणले नेपाली सेफिङ क्षेत्रमा चर्चा बढाएको छ। प्रक्रिया जारी छ बताइयो।
