सुरेशकुमारका केही उत्कृष्ठ गजलहरु

Image
Nisarga Hospital

सधै देश र जनताको भविश्य सँग खेल हुन्छ,
विकासकै नाउँमा उखान टुक्कामा रेल हुन्छ।

CP Hospital Dhangadhi

झाङ्गिदै छ भ्रष्टाचार अपराधी मुक्त हुनथाले,
बदलाको भावनामा कम्जोर लाई जेल हुन्छ।

कसको सरकार छ देशभित्र थाहाछैन हाम्रो,
देशभक्ती योजना सङ्गारमा नपुग्दै फेल हुन्छ।

दक्ष युवा खाडीमा जानुपर्छ रोजगारकै लागि,
सरकारको भनाई र गराईमै सधै बेमेल हुन्छ।

जसको मुटुको टुक्रा फर्किन्छ रातो बाकसमा,
सपना टुट्छन् जीवनभरी आँसुकै भेल हुन्छ।

तिमी सुनको गाडीमा बसेर गएपनि नेता जी,
छिमेकी मै तिम्रो इज्जत होइन अपहेल हुन्छ।

॥१॥

आज यही मुटु पनि उस्तै धक-धक भयो,
जो दुश्मन् थियो उही शुभ चिन्तक भयो।

हिंजो प्रतिगमनकै बिरूद्धमा भयो एकता,
आज प्रतिगमन सच्चियो की छक्क भयो।

भन्छन् क्रान्ति गर्न नै बन्दुक पड्काएको,
सडक र सदनमा सधै यस्तै बकबक भयो।

आतङ्कित र आसङ्कित भयौँ नागरिक,
अब त आफ्नै छायाँ सँग पनि सक भयो।

हाम्रो देशका जनता कत्तिको दयालु छन्,
व्यवहारबाट दुनियाँभरि लाई छनक भयो।

नेता राजनीति गर्न छाडी आफैलाई खोज,
तिमीहरूको भनाई गराई धेरै फरक भयो।
॥२॥

जति ठुलो नामि यहाँ अस्पत्ताल हुन्छ,
उति धेरै समस्या सहरमा बबाल हुन्छ।

कमिसन खान्छन् र लुकाउँछन गलती,
औषधी माफियाको नि सञ्जाल हुन्छ।

हाम्रै देशमा सबैलाई चमत्कार चाहियो,
त्यसैले त समाजको नराम्रो हाल हुन्छ।

गर्छन् राजनीति आफ्नै पेट भर्न नेताले,
भनौँ त देश तेत्तिकै किन कङ्गाल हुन्छ।

वहान खस्छ मान्छे मर्छन् तक्दिर दोशी,
भनौँ सडक बनाउँदा कस्तो चाल हुन्छ।

गलती ढाकेर आफु मुक्त हुन्छन् नेताजी,
हाम्रो अगाडी सधैभरी उस्तै सवाल हुन्छ।
॥३॥

युवाहरूलाई मिल्दैन रोजगार देशमा
न वृद्धाहरूको हुनेगर्छ उपचार देशमा

भ्रष्टाचार हुन्छ महंगि उस्तै छ अपराध,
बालिका हत्या हुन्छ बलात्कार देशमा।

चिया पसलमा चिया भन्दा रक्सी बढी,
बिक्रिहुन्छ कुना-कुनामा बिमार देशमा।

अपसोच देश कस्तो भयो हिंजो आज,
छैन सर्वसाधार्ण जिउँने आधार देशमा।

किसान भनौं भने जमिन छैन आफ्नो,
काम छैन दाम चल्दैन व्यापार देशमा।

हामी सधैभरी यही देशको लागि लढ्यौँ
आज अत्याचार मिल्यो उपहार देशमा।

सुरेशकुमार दाङ घोराही १८