नेपालमा सुनको मूल्यले फेरि नयाँ कीर्तिमान बनाएको छ। पछिल्ला दिनहरूमा लगातार वृद्धि हुँदै आएको सुनको दर बिहीबार तोलामा १ लाख ९० हजार ६०० रुपैयाँ पुगेको छ।
नेपाल सुनचाँदी व्यवसायी महासंघका अनुसार अघिल्लो दिनको तुलनामा सुनको मूल्यमा एकैदिन ३६०० रुपैयाँको उछाल आएको हो। बुधबार छापावाल सुनको मूल्य तोलामा १ लाख ८७ हजार रुपैयाँ थियो।
महासंघले दिएको जानकारीअनुसार अब १० ग्राम छापावाल सुनको मूल्य १ लाख ६३ हजार ४१० रुपैयाँ निर्धारण गरिएको छ।
त्यस्तै, चाँदीको मूल्य पनि बढेको छ। अघिल्लो दिन प्रति तोला १९५५ रुपैयाँमा कारोबार भएको चाँदी बिहीबार ५ रुपैयाँले वृद्धि भई १९६० रुपैयाँमा पुगेको छ।
