पूर्वराष्ट्रपति विद्यादेवी भण्डारीले आफू सक्रिय राजनीतिमा आउने निर्णयबाट ब्याक नहुने बताएकी छन् । मंगलबार आफ्नै निवासमा सञ्चारकर्मीहरुसँग कुराकानी गर्दै उनले अब राजनीतिबाट पछि नहट्ने बताएकी हुन् ।
उनले भनिन् ‘म सक्रिय राजनीतिमा आइसकेको छु, अब पछि हट्ने कुरा हुँदैन छैन ।’ साथै, उनले आफू राजनीतिमा आएको विषयलाई लिएर अहिले कार्यकर्तालाई आतङ्कित पार्ने काम भइरहेको पनि उनले बताए । उनले उक्त कार्य गलत रहेको बताएकी छन् । ‘अहिले कार्यकर्ताहरूलाई जसरी आतङ्कित पार्ने काम भइरहेको छ यो ठिक छैन,’– उनले भनिन् ।
