नेपाली बजारमा शुक्रबार सुनको मूल्यमा घटावट आएको छ। नेपाल सुनचाँदी व्यवसायी महासंघका अनुसार, साताको अन्तिम कारोबारी दिन छापावाल सुनको मूल्य तोलामा ५०० रुपैयाँ घटेर १ लाख ९४ हजार ७०० रुपैयाँ कायम भएको हो।
बिहीबार छापावाल सुनको मूल्य १ लाख ९५ हजार २०० रुपैयाँ तोलामा थियो। सुनको मूल्यमा केही दिनदेखि घटबढ देखिँदै आएको छ।
यता, चाँदीको मूल्य भने सामान्यरूपमा बढेको छ। बिहीबार तोलामा २ हजार ३३५ रुपैयाँ कायम भएको चाँदीको मूल्य शुक्रबार ५ रुपैयाँले बढेर २ हजार ३४० रुपैयाँ पुगेको नेपाल सुनचाँदी व्यवसायी महासंघले जनाएको छ।
