दार्चुलामा गए राती ४.१ म्याग्निच्युडको भूकम्प, कुनै क्षतिको विवरण नभएको प्रहरीको जानकारी

Image
Nisarga Hospital

दार्चुलाको तवाघाट क्षेत्रलाई केन्द्रबिन्दु बनाएर बिहीबार राति ४.१ म्याग्निच्युडको भूकम्प गएको छ। भूकम्प मापन तथा अनुसन्धान केन्द्रले सार्वजनिक गरेको विवरण अनुसार, राति १० बजेर ४० मिनेटमा यो भूकम्प गएको हो।

CP Hospital Dhangadhi

भूकम्पको धक्का दार्चुला र कञ्चनपुरसहित आसपासका जिल्ला र सीमावर्ती भारतीय क्षेत्रमा पनि महसुस गरिएको छ। तर प्रहरी प्रवक्ता प्रमुख कुन्डा बहादुर कार्कीका अनुसार, भूकम्पबाट कुनै जनधनको क्षति भएको विवरण नआएको छ।

यो भूकम्प यसअघि गएका भूकम्पहरूको क्रममा नयाँ थप हो। गत कात्तिक ६ गते बझाङको हेमनतबाडा क्षेत्रमा ३.९ म्याग्निच्युडको र असोज २९ गते बझाङमै ४.९ म्याग्निच्युडको भूकम्प गएको थियो।

भूकम्पविद्हरूको भनाई छ – नेपाल भौगोलिक रूपमा भूकम्पीय जोखिमयुक्त क्षेत्रमा रहेको छ, जसकारण यस्ता भूकम्पहरू निरन्तर आइरहने सम्भावना रहन्छ।