निर्वाचन ५९ दिन बाँकीः मुख्य निर्वाचन अधिकृत र निर्वाचन अधिकृत नियुक्त, प्रतिनिधिसभा निर्वाचन तयारी तीव्र

Image
Nisarga Hospital

निर्वाचन आयोगले आगामी प्रतिनिधिसभा निर्वाचनका लागि ८८ जना न्यायाधीशलाई मुख्य निर्वाचन अधिकृत र निर्वाचन अधिकृतमा नियुक्त गरेको छ। आजै ३६ जना जिल्ला न्यायाधीशलाई जगेडामा राख्दै तोकिएको हो। यसअघि ७७ जना जिल्ला न्यायाधीशलाई मुख्य निर्वाचन अधिकृत बनाइएको थियो।

CP Hospital Dhangadhi

फागुन २१ गते प्रतिनिधिसभा सदस्य निर्वाचन तय भएकाले आयोगले नियुक्त अधिकृतहरूलाई माघ २ गतेदेखि आफ्नो निर्वाचन क्षेत्रमा खटिन निर्देशन दिएको छ। मुख्य निर्वाचन अधिकृत र निर्वाचन अधिकृतले कार्यालय स्थापना गरी निर्वाचन कार्यक्रम संचालन गर्ने छन्।

प्रतिनिधिसभामा कूल २७५ सदस्य रहनेछन्, जसमा प्रत्यक्ष प्रणालीबाट १६५ र समानुपातिक प्रणालीबाट ११० सदस्य निर्वाचित हुने व्यवस्था छ। निर्वाचन तयारीलाई चुस्त र व्यवस्थित बनाउन आयोगले अधिकृतहरूलाई आवश्यक निर्देशन प्रदान गरेको छ। यस कदमले निर्वाचन प्रक्रियामा पारदर्शिता, दक्षता र समयमै संचालन सुनिश्चित गर्ने अपेक्षा गरिएको छ।