अत्तरियाः कैलालीको गोदावरी नगरपालिका वडा न. १० मा जेष्ठ नागरिकहरुलाई छाता वितरण गरेको छ । मौसम अनुसार हिउदको समयमा कम्बल / ब्लाङकेट दिदै गरेका वडामा तराईमा लाग्दै गरेको गर्मीलाई मध्यनजर गर्दै वडा कार्यालय भित्र रहेका ३७० जना जेष्ठ नागरिकहरुलाई छाता बितरण गरेको जानकारी वडा अध्यक्ष रबिन्द्र शाही (गुड्डु)ले बताए । वडा भित्र जेष्ठ नागरिकको संख्या धेरै भएको कारण उमेर समूह छनौट गरी ७० बर्ष पुगेकाहरुलाई छाता बितरण भै रहेको बताए ।
यसै बिच युवा पुस्ताहरुलाई लक्षित गर्दै गोदावरी नगरपालिकाको पहिलो चरणमा वडा न. ९ र १० लाई छनौट गरी बिभिन्न किसिमका तालिम दिदै आएको छ । युवाहरुलाई गाउँबस्तीमा स्वरोजगार भएर केही गरौ भन्न चाहाना भएकाहरुका लागि पालिकाले होजियारी, दुना टप्परी बनाउने, हाउस वाईरिङ, झोला बनाउने लगायतका तालिमहरु संचालन हुदै आएका छन ।
बुधबार देखि नै गोदावरी १० मा गोदावरी नगरपालिका आर्थिक विकास शाखा अन्तर्गतको गरिबि निवारणका लागि लघु उद्यम विकास (मेडपा) कार्यक्रम अन्तर्गत यस १० नं वडामा झोला बनाउने तालिमको सुरुवात भएको छ । जस्मा उद्ममशिलता तालिम सिकेका ११ जना १ महिने झोला बनाउने तालिम सुरु भएको छ ।
यसै वडा न. १० मा नै केही दिन अगाडी देखि होजियारि तालिम १५ जना , अचार बनाउने तालिम पनि संचालनको तयारीमा रहेको जानकारी उद्मम विकास सहजकार्ता नरेश साउदले बताए । पालिका भित्र २ वटा वडा छनौटमा गरिएकोमा ९ र १० मा ७२ जना मध्ये गाउँमा नै थोरै लगानीमा कामकाज गर्न सक्ने खालका तालिम दिई जनतालाई उद्ममी बनाउदै आएको छ ।
