सुनचाँदी किन्न भनी बजार जाँदै हो भने जानकारी लिनुहोस् आजका लागि तोकिएको बजार मूल्य विवरण

Image
Nisarga Hospital

बुधबार पनि नेपाली बजारमा सुनको मूल्य उकालो लाग्दै नयाँ दरमा कारोबार भएको छ। नेपाल सुनचाँदी व्यवसायी महासंघले सार्वजनिक गरेको तथ्यांकअनुसार मंगलबार तोलामा २ लाख ४७ हजार ९०० रुपैयाँ रहेको छापावाल सुन बुधबार थप ९०० रुपैयाँले वृद्धि भई २ लाख ४८ हजार ८०० रुपैयाँमा कारोवार भयो।

CP Hospital Dhangadhi

लगातार तीन दिनयता सुनको मूल्यमा आएको वृद्धि बजारमा सक्रियता बढ्दै गएको संकेतका रूपमा हेरिएको छ।

यसअघि सोमबार छापावाल सुनको मूल्य २ लाख ४२ हजार ७०० रुपैयाँ रहेको थियो। मंगलबार ठूलो वृद्धि भई ५ हजार २०० रुपैयाँले उकालो लागेको सुन बुधबार पनि माथिल्लो दरमै कायम रहँदा सुन कारोबार तथा लगानीकर्ताको चासो थप बढेको देखिन्छ।

सुनसँगै चाँदीको मूल्य पनि बुधबार बढेको छ। मंगलबार तोलामा ३ हजार २०० रुपैयाँमा कारोबार भएको चाँदी २० रुपैयाँले वृद्धि भई बुधबार ३ हजार २२० रुपैयाँमा पुगेको महासंघले जनाएको छ। सुन–चाँदी दुवैको मूल्य वृद्धि पछिल्लो केही दिनयताको अन्तर्राष्ट्रिय बजारको प्रभावसँग जोडिएको बताइन्छ।