चैत २२ गते हुने प्रतिनिधिसभा सभामुख पदको निर्वाचनको तालिका सार्वजनिक गरिएको छ। संघीय संसद सचिवालयले बिहीबार निर्वाचन तालिका प्रकाशित गरेको हो।
तालिका अनुसार चैत २० गते सिंहदरबारस्थित सचिवालयमा उम्मेदवारी दर्ता गरिनेछ। सोही दिन बिहान ११ बजेदेखि दिउँसो २ बजेसम्म उम्मेदवारी दर्ता खुला रहनेछ भने २:३० बजे दर्ता भएका उम्मेदवारको सूची प्रकाशन गरिनेछ।
त्यसपछि चैत २२ गते बिहान ११ बजे प्रतिनिधिसभा बैठकमा सभामुख पदको निर्वाचन सम्पन्न हुने संसद सचिवालयले जनाएको छ। निर्वाचन प्रक्रियालाई पारदर्शी र व्यवस्थित बनाउने तयारी गरिएको छ।
