आज देशभर मौसम मुख्यतया सफा रहने, शनिबार केही स्थानमा वर्षा र हिमपातको सम्भावना

Image
Nisarga Hospital

हाल नेपालमा कुनै पनि उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ। महाशाखाका अनुसार हाल देशको हिमाली भूभागमा आंशिक बदली रहेको छ भने तराईका भूभाग, उपत्यका तथा खोँचका धेरै स्थानमा तुवाँलो लागेको छ।

CP Hospital Dhangadhi

महाशाखाले जारी गरेको मौसम पूर्वानुमानअनुसार आज दिउँसो कोशी र मधेस प्रदेशमा आंशिक बदली रहनेछ। देशका बाँकी भूभागमा भने मौसम मुख्यतया सफा रहने अनुमान गरिएको छ। आज राति पनि कोशी र मधेस प्रदेशमा आंशिक बदली रहने तथा अन्य प्रदेशमा मौसम सामान्यतया सफा रहने महाशाखाले जनाएको छ।

त्यस्तै, शनिबार देशभर आंशिक बदली रहने पूर्वानुमान गरिएको छ। शनिबार कोशी प्रदेशका एक–दुई स्थानमा चट्याङसहित हल्का वर्षा तथा हिमपातको सम्भावना रहेको छ। मधेस प्रदेशका पनि एक–दुई स्थानमा चट्याङसहित हल्का वर्षा हुन सक्ने महाशाखाले जनाएको छ।

मौसम पूर्वानुमान महाशाखाका अनुसार हाल ठूलो मौसमी प्रणाली सक्रिय नरहे पनि आगामी दिनमा केही स्थानमा बदली, वर्षा र हिमपातको सम्भावना रहेकाले आवश्यक सतर्कता अपनाउनुपर्ने देखिन्छ।