कलकलाउँदो उमेर हत्या भयो
बलात्कारको सिकार बन्नु पर्यो
छोरी राम्रो सँग पढ भन्ने बेला
हार्दिक श्रद्धाञ्जली भन्नू पर्यो
किताब समाएर पढी राख्ने तिमी
सधैं कलम हुन्थ्यो तिम्रो हातमा
हाँस्थ्यौ खेल्थ्यौ रमाउँथ्यौ
साथिभाइहरुको साथमा
सबै छोडेर गयौ
घरपरिवार आमाबुवा रुवाएर गयौ
यो कलिलो उमेरमा
छोरी अलबिदा भयौ!
ए मूर्ख मनुष्य खै कसरी भन्छौ
त्यो बालक आफैं झुन्डिएको हो भनेर
कलम थियो हात मा डोरि थिएन
शालीन पोख्रेल छोरी रहेन
होस्टेलभित्र पनि सुरक्षित भएन
झुन्डिएकि फेला पर्यौ
म कसरी भनु आफै त्यस्तो
निर्णय लियौ भनेर
शरीरभरी डामै डाम छ
चिमोठेको छ ,पिटेको छ!
पापिको आँखा लाग्यो
छोरीलाइ बलात्कार गरेर
हत्या गरिदियो
छोरिको खुन खाइदियो
छोरिलाइ झुन्ड्याइदियो
सरकार छ कानुन छ
देश छ न्याए छ छोरिलाइ न्याए दे
निष्पक्ष छानबिन गरिदे
अपराधी बलात्कारि पत्ता लगाइ दे
कार्वाही गरि दे सकरकार नत्र म
तिमी मर्यौ ठान्नेछु ,
तिम्रो मलामी बन्नेछ,
हार्दिक श्रद्धाञ्जली
सरकार भन्नेछु!!
पारस भट्ट “प्यासी”
सुदुरपश्चिम बैतडी
