नेपाल आयल निगमले पेट्रोलियम पदार्थको मूल्य बढाएको छ । इन्डियन आयल कर्पोरेसनबाट आज प्राप्त नयाँ खरिद मूल्यअनुसार पेट्रोल र डिजेलमा मूल्य बढेर आएको भन्दै निगमले मूल्य बढाएको हो ।
सोमबार बिहानदेखि लागु हुने गरी निगमले पेट्रोलमा प्रति लिटर २ रुपैयाँ तथा डिजेल र मट्टितेलमा प्रति लिटर ५ रुपैयाँले वृद्धि गरेको जानकारी दिइएको छ । हवाई इन्धन र एलपी ग्यासको बिक्री मूल्य भने यथावत् राखिएको छ ।
