राष्ट्रिय परीक्षा बोर्डले कक्षा १० को माध्यामिक शिक्षा परीक्षा (एसईई) २०८१ को सम्पूर्ण तयारी पूरा भएको जनाएको छ। परीक्षा आगामी चैत ७ गते (मार्च २१, २०२५) देखि सुरु हुनेछ।
बोर्डका अनुसार परीक्षाका लागि प्रश्नपत्र र उत्तरपुस्तिका परीक्षा केन्द्रहरूमा पुगी सकेका छन्, भने केही स्थानहरूमा पु¥याउने कार्य अन्तिम चरणमा छ। जिल्ला जिल्लामा परीक्षा केन्द्र अध्यक्षहरूको अभिमुखीकरणसमेत सम्पन्न भइसकेको परीक्षा नियन्त्रक नन्दलाल पौडेलले जानकारी दिए।
यस वर्षको एसईई परीक्षामा ५ लाख ८ हजार ३९० विद्यार्थी सहभागी हुनेछन्। परीक्षाका लागि ५ लाख २२ हजार विद्यार्थीले आवेदन फारम भरेका थिए। बोर्डले परीक्षा सञ्चालनका लागि २ हजार ७९ परीक्षा केन्द्र तोकेको छ। सुरक्षा व्यवस्थाका लागि सम्बन्धित जिल्लाका सुरक्षा निकायहरूले आवश्यक तयारी गरिसकेको जनाइएको छ।
परीक्षा निष्पक्ष, मर्यादित र सुरक्षित रूपमा सम्पन्न गर्न बोर्डले आवश्यक सबै तयारी पूरा गरिसकेको छ। परीक्षामा सहभागी हुने विद्यार्थीहरूलाई समयमा परीक्षा केन्द्र पुग्न, आवश्यक सामग्री साथमा राख्न र परीक्षा निर्देश पालना गर्न अनुरोध गरिएको छ।
