बझाङः बुधबार राति बझाङमा ४.९ म्याग्निच्युडको भूकम्प गएको छ। राष्ट्रिय भूकम्प मापन तथा अनुसन्धान केन्द्रका अनुसार राति १ बजेर ८ मिनेटमा आएको भूकम्पको केन्द्रबिन्दु बझाङको ‘दान्तोला’ क्षेत्र रहेको हो।
मध्यरातको समयमा धक्का महसुस भएपछि स्थानीयबासी घरबाहिर निस्किएका थिए। भूकम्पको प्रभाव छिमेकी जिल्लासम्म पनि पुगेको र केही घरमा चर्किएको स्थानीयहरूले बताएका छन्।
तर, जिल्ला प्रहरी कार्यालयका अनुसार हालसम्म कुनै मानविय क्षति वा ठुलो भौतिक नोक्सानीको विवरण प्राप्त भएको छैन। स्थानीय प्रशासनले सतर्कता अपनाउन आग्रह गरेको छ।
