अत्तरियाः कैलालीको अत्तरिया हस्पिटल प्रा.लिले नशा तथा मनोरोगसम्बन्धी विशेषज्ञ परामर्श तथा उपचार सेवा सञ्चालन गरिरहेको छ। अस्पतालका प्रशासनिक प्रमुख डिल्लीराज पाठकका अनुसार, कार्तिक १ गते (भोलि) देखि प्रत्येक शनिबार डा. शैलेन्द्र प्रसाद जोशी, वरिष्ठ नशा तथा मनोरोग विशेषज्ञ, बिहान १० बजे देखि १ बजे सम्म बिरामीहरूको स्वास्थ्य परामर्श र उपचार उपलब्ध गराउनेछन्।
उपचारमा मानसिक अस्थिरता, मूडमा अचानक उतार–चढाव, अनिन्द्रिता, शरीर झ्यामझ्याम हुने समस्या, उदासी र नकारात्मक सोच, आत्महत्या सोच वा प्रयास, अत्यधिक रिस वा शंका, साथै लागुपदार्थको लतसम्बन्धी समस्या समेटिएका छन्। अस्पतालले सम्पूर्ण समस्याको उपचार र परामर्श सेवा दिने जनाएको छ।
डा. जोशीले व्यक्तिगत परामर्शसहित औषधि र आवश्यक उपचार प्रदान गर्नेछन्। डिल्लीराज पाठकले सबैले समयमै स्वास्थ्य जाँच गराउने र ढुक्क भएर सेवा लिने अनुरोध गरेका छन्।
थप जानकारी वा अपोइन्टमेन्टका लागि ०९१–५९००१९, ९८५८०२३७४२, ९८५११२६३७५ मा सम्पर्क गर्न सकिनेछ।
स्थान: गोदावरी–०२, महेन्द्रनगर रोड, अत्तरिया, कैलाली।
इमेल: at**************@***il.com
