लगातार घट्दै आएको सुनको मूल्य बिहीबार स्थिर रहेको छ। नेपाल सुनचाँदी व्यवसायी महासंघका अनुसार बुधबार र बिहीबार दुवै दिन सुन प्रतितोला दुई लाख ३६ हजार तीन सय रुपैयाँमा कारोबार भएको हो।
गत असोज ३१ गते सुन प्रतितोला दुई लाख ५८ हजार रुपैयाँमा रहेकोमा कात्तिक १२ सम्म आइपुग्दा ८.४१ प्रतिशतले मूल्य घटेको थियो। अन्तर्राष्ट्रिय बजारमा भने सुन प्रतिऔंस तीन हजार नौ सय ५३ अमेरिकी डलरमा कारोबार भइरहेको छ। यसबीच चाँदीको मूल्यमा सानो वृद्धि भएको छ।
बिहीबार चाँदी प्रतितोला १५ रुपैयाँले बढ्दै दुई हजार नौ सय ८० रुपैयाँमा पुगेको छ। बुधबार चाँदीको मूल्य दुई हजार नौ सय ६५ रुपैयाँ थियो।
