नेपाली बजारमा शुक्रबार सुनको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार अघिल्लो दिनको तुलनामा सुन तोलामा ६०० रुपैयाँले महँगो भएको हो।
शुक्रबार छापावाल सुन तोलामा २ लाख ३८ हजार ४०० रुपैयाँ कायम भएको छ, जुन बिहीबारको २ लाख ३७ हजार ८०० रुपैयाँभन्दा ६०० रुपैयाँ बढी हो।
त्यस्तै, चाँदीको मूल्य पनि वृद्धि भएको छ। बिहीबार तोलामा ३ हजार १० रुपैयाँमा कारोबार भएको चाँदी शुक्रबार बढेर तोलामा ३ हजार २० रुपैयाँ पुगेको महासंघले जनाएको छ।
