आइतबार सुनको मूल्य तोलामा २ सय रुपैयाँले बढेको छ। नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख ३८ हजार ६ सय रुपैयाँ तोकिएको छ।
अघिल्लो साता शुक्रबार सुन प्रतितोला २ लाख ३८ हजार ४ सय रुपैयाँमा कारोबार भएको थियो। यसअघि असोज ३१ गते सुनको मूल्यले २ लाख ५८ हजार रुपैयाँको रेकर्ड कायम गरेको थियो।
चाँदीको मूल्य भने तोलामा ५ रुपैयाँले घटेको छ। अघिल्लो दिन प्रतितोला ३ हजार २० रुपैयाँ रहेको चाँदी आज घटेर ३ हजार १५ रुपैयाँमा पुगेको छ।
