
मंगलबार नेपाली बजारमा सुनको मूल्यमा ठूलो वृद्धि भएको छ। अघिल्लो दिनको तुलनामा तोलामा ४ हजार ९०० रुपैयाँले बढ्दै छापावाल सुनको मूल्य २ लाख ४६ हजार ४०० रुपैयाँ पुगेको नेपाल सुनचाँदी व्यवसायी महासंघले जनाएको छ।

सोमबार उक्त दर तोलामा २ लाख ४१ हजार ५०० रुपैयाँ मात्र थियो। लगातार बढ्दो अन्तर्राष्ट्रिय बजार मूल्य र अमेरिकी डलरको प्रभावका कारण नेपाली बजारमा सुनको मूल्य उच्च स्तरमा पुगेको हो।
यस्तै, चाँदीको मूल्य पनि बढेको छ। सोमबार तोलामा ३ हजार १५ रुपैयाँमा कारोबार भएको चाँदी मंगलबार ५० रुपैयाँले बढेर तोलामा ३ हजार ६५ रुपैयाँ पुगेको छ। सुन र चाँदी दुवैको मूल्यमा आएको वृद्धि पछिल्ला केही सातादेखि निरन्तर भइरहेको अन्तर्राष्ट्रिय बजारको अस्थिरतासँग सम्बन्धित मानिएको छ। व्यापारीहरूले मूल्य अझै केही दिन स्थिर नहुने अनुमान गरेका छन्।





























