नेपालको बजारमा सोमबार सुन–चाँदी दुवैको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार आइतबार तोलामा २ लाख ४२ हजार ८०० रुपैयाँ रहेको छापावाल सुन सोमबार ५०० रुपैयाँले बढेर तोलामा २ लाख ४३ हजार ३०० रुपैयाँ पुगेको छ। लगातारको उतार–चढावसँगै मूल्यमा आएको यो सानो वृद्धि बजारको चहलपहलसँग पनि जोडिएको मानिन्छ।
यस्तै, चाँदीको मूल्यमा पनि बढोत्तरि देखिएको छ। आइतबार तोलामा ३ हजार १३५ रुपैयाँ रहेको चाँदी सोमबार २० रुपैयाँ बढेर तोलामा ३ हजार १५५ रुपैयाँमा कारोबार भएको छ। सुन–चाँदीको मूल्यमा आएको यो वृद्धि अन्तर्राष्ट्रिय बजारको प्रभाव र बजारको माग–पुरवठासँग सम्बन्धित रहेको बताइन्छ।
