सुनचाँदी किन्न भनी बजार जाँदै हो भने जानकारी लिनुहोस् आजका लागि तोकिएको बजार मूल्य विवरण, कतिमा हुँदै छ सुनचाँदीको बिवरण

नेपाली बजारमा मंगलबार सुनको मूल्य हल्का घटेको छ भने चाँदीमा सामान्य वृद्धि देखिएको छ। नेपाल सुनचाँदी व्यवसायी महासंघका अनुसार सोमबार तोलामा २ लाख ५३ हजार ६०० रुपैयाँमा कारोबार भइरहेको छापावाल सुन मंगलबार ३०० रुपैयाँले घटेर २ लाख ५३ हजार ३०० रुपैयाँमा झरेको हो। यसले पछिल्ला दिनमा अन्तर्राष्ट्रिय बजारमा देखिएको उतार–चढावको प्रभाव नेपाली बजारमा समेत परिरहेको स्पष्ट गर्छ।

यस्तै, चाँदीको मूल्य भने उल्टो दिशामा गएको छ। सोमबार तोलामा ३ हजार ५३५ रुपैयाँ रहेको चाँदी मंगलबार १० रुपैयाँले बढ्दै ३ हजार ५४५ रुपैयाँमा पुगेको महासंघले जनाएको छ। मूल्यमा आएको यो हल्का परिवर्तनले बजारमा स्थिरता जस्तै देखिए पनि लगानीकर्ताहरूले अन्तर्राष्ट्रिय सुन–चाँदी बजारका गतिबिधि सूक्ष्मरूपमा हेर्नुपर्ने देखिन्छ। वर्तमान आर्थिक अवस्थाको प्रभावले सुन–चाँदीको कारोबारमा साना उतार–चढाव भैरहेका छन्, जसले आगामी दिनमा मूल्य कता जाने भन्नेबारे उत्सुकता बढाएको छ।