एकैदिन सुन ३५ सयले बढ्यो, चाँदीको मूल्य पनि उकालो

Image
Nisarga Hospital

शुक्रबार नेपाली बजारमा सुन–चाँदी दुबैको मूल्य उच्च दरमा वृद्धि भएको छ। नेपाल सुनचाँदी रत्न तथा आभूषण व्यवसायी महासंघका अनुसार एकैदिन सुन प्रतितोला ३५ सय रुपैयाँले बढेको हो।

CP Hospital Dhangadhi

बिहीवार प्रतितोला २ लाख ५३ हजार १०० रुपैयाँमा कारोबार भएको छापावाला सुनको मूल्य शुक्रबार बढेर २ लाख ५६ हजार ६०० रुपैयाँ पुगेको महासंघले जनाएको छ। लगातारको बजार अस्थिरताबीच आएको यो वृद्धि पछिल्लो समयकै उल्लेखनीय हो।

यस्तै, चाँदीको मूल्यमा पनि वृद्धि भएको छ। बिहीवार ३ हजार ८०५ रुपैयाँमा रहेको चाँदी शुक्रबार ३ हजार ९०५ रुपैयाँमा कारोबार भएको छ, अर्थात् प्रतितोला १०० रुपैयाँको वृद्धि।

बढ्दो अन्तर्राष्ट्रिय मूल्य, राजनीतिक तथा आर्थिक अनिश्चितता र बजारमा बढ्दो मागका कारण सुन–चाँदीको मूल्य उकालो लागिरहेको व्यवसायीहरूको धारणा छ।