सुनचाँदी किन्न भनी बजार जाँदै हो भने जानकारी लिनुहोस् आजका लागि तोकिएको बजार मूल्य विवरण, आज कतिमा हुँदै छ सुनचादीको कारोबार

नेपाली बजारमा बिहीबार सुन र चाँदीको मूल्य घटेको छ। नेपाल सुनचाँदी व्यवसायी महासंघका अनुसार बुधबार तोलामा २ लाख ६७ हजार ७०० रुपैयाँमा कारोबार भएको छापावाल सुन बिहीबार घटेर २ लाख ६५ हजार ७०० रुपैयाँमा झरेको छ। यससँगै सुनको मूल्य तोलामा २ हजार रुपैयाँले घटेको हो।
अन्तर्राष्ट्रिय बजारको प्रभाव, अमेरिकी डलरको विनिमय दर तथा विश्वव्यापी आर्थिक गतिविधिका कारण पछिल्ला दिनमा सुनको मूल्यमा उतारचढाव देखिँदै आएको छ। मूल्य घटेपछि सुन खरिद गर्न चाहने उपभोक्ता र लगानीकर्तामा केही उत्साह देखिएको व्यवसायीहरू बताउँछन्।
यस्तै, चाँदीको मूल्यमा पनि गिरावट आएको छ। बुधबार तोलामा ४ हजार ९३५ रुपैयाँमा कारोबार भएको चाँदी बिहीबार घटेर ४ हजार ८३५ रुपैयाँ कायम भएको महासंघले जनाएको छ। चाँदी तोलामा १०० रुपैयाँले घटेको हो।
व्यवसायीहरूका अनुसार आगामी दिनमा अन्तर्राष्ट्रिय बजारको अवस्था अनुसार सुन–चाँदीको मूल्यमा फेरि उतारचढाव हुन सक्ने अनुमान गरिएको छ।