नेपाली बजारमा आज सुनको मूल्य घटेको छ भने चाँदीको मूल्यमा सामान्य वृद्धि देखिएको छ। नेपाल सुनचाँदी व्यवसायी महासंघका अनुसार छापावाल सुनको मूल्य अघिल्लो कारोबार दिनको तुलनामा प्रतितोला १ हजार रुपैयाँले घट्दै २ लाख ९८ हजार ९ सय रुपैयाँ कायम भएको हो। यसअघि वैशाख २५ गते सुन प्रतितोला २ लाख ९९ हजार ९ सय रुपैयाँमा कारोबार भएको थियो।
महासंघले आजका लागि १० ग्राम सुनको मूल्य २ लाख ५६ हजार २ सय ६० रुपैयाँ निर्धारण गरेको जनाएको छ। पछिल्ला दिनमा अन्तर्राष्ट्रिय बजारमा देखिएको उतारचढावको प्रभाव नेपाली बजारमा पनि परेको व्यवसायीहरू बताउँछन्।
यता, चाँदीको मूल्यमा भने सामान्य वृद्धि भएको छ। अघिल्लो कारोबार दिन प्रतितोला ५ हजार २ सय ७५ रुपैयाँ रहेको चाँदी आज बढेर ५ हजार ३ सय रुपैयाँ पुगेको छ। त्यस्तै, १० ग्राम चाँदीको मूल्य ४ हजार ५ सय ४४ रुपैयाँ कायम गरिएको महासंघले जनाएको छ।
महासंघले अन्तर्राष्ट्रिय बजारको अवस्था अनुसार दैनिक रूपमा सुनचाँदीको मूल्य निर्धारण गर्दै आएको छ।
