नेपाली बजारमा एकैदिन तोलामा ४ हजार ५०० रुपैयाँ घट्यो सुन, चाँदी पनि सस्तो

Image
Nisarga Hospital

नेपाली स्थानीय बजारमा आज सुन र चाँदी दुवैको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार मंगलबार छापावाल सुनको मूल्य प्रतितोला ४ हजार ५०० रुपैयाँले घट्दै २ लाख ७७ हजार ९०० रुपैयाँ कायम भएको छ।

CP Hospital Dhangadhi

यसअघि सोमबार प्रतितोला सुन २ लाख ८२ हजार ४०० रुपैयाँमा कारोबार भएको थियो। एकैदिन भएको यो गिरावटले सुन खरिद गर्न चाहने उपभोक्तालाई केही राहत मिलेको छ।

यस्तै, चाँदीको मूल्य पनि प्रतितोला २५ रुपैयाँले घटेको छ। महासंघका अनुसार आज चाँदी प्रतितोला ४ हजार २८५ रुपैयाँमा कारोबार भइरहेको छ।

अन्तर्राष्ट्रिय बजारमा आएको मूल्य परिवर्तनको प्रभाव स्थानीय बजारमा समेत परेको व्यवसायीहरूले बताएका छन्। पछिल्ला दिनमा सुनको मूल्यमा उतारचढाव निरन्तर देखिँदै आएको छ।