३०२ औं पृथ्वी जयन्ती तथा राष्ट्रिय एकता दिवस २०८० को अवसरमा भैरवप्रसाद गण सिलगढीद्वारा आयोजित अन्तर विद्यालय हाजिरी जवाफ प्रतियोगितामा पद्यम पब्लिक मुक्तिनारायण माध्यमिक विद्यालय प्रथम भएको छ ।
प्रतियोगितामा पद्यम पब्लिक मुक्तिनारायण मा.वि.ले ३६ अंक ल्याएर प्रथम भएको हो ।
जम्मा ६ वटा विद्यालय सहभागि प्रतियोगितामा मोर्निङ् लाइट बोर्डिङ् स्कुलले २५ अंक ल्याएर द्वितीय भएको छ भने पवित्र आवासीय माध्यमिक विद्यालय २१ अंक ल्याएर तृतिय भएको छ ।
त्यस्तै भागिरती एकेडेमीले २० अंक, दुर्गा मा.वि.ले १९ अंक र जेनियस एकेडेमीले १६ अंक ल्याएका छन् । विद्यालयको औपचारिक शिक्षाका साथै विद्यार्थीको चौथर्फी ज्ञानको विकासमा टेवा पुर्याउने उद्धेश्यले पृथ्वी जयन्ती र राष्ट्रिय एकताको अवसरमा अन्तर विद्यालय हाजिरी जवाफ प्रतियोगिता आयोजना गरिएको आयोजक भैरवप्रसाद गणका प्रमूख सेनानी परिक्षीत देउजाले बताए ।
प्रतियोगितामा पुरस्कार तथा प्रमाण पत्र वितरण गर्दै उनले भने–‘प्रतियोगितामा जित हात पार्नु सफलता त हो नै, यसका साथै सहभागिता जनाउनु पनि एक प्रकारको सफलता भएको हो ।’
सिलगढीस्थित भैरवप्रसाद गणभित्रै आयोजित कार्यक्रममा विभिन्न विद्यालयका प्रतिष्पर्धी विद्यार्थीसँगै शिक्षक, पत्रकार र नेपाली सेनाको सहभागिता रहेको थियो ।
