जेन्जी पुस्तालाई कसैले हतियार गराएछन्,
बुझ्नैपर्छ यो सत्तामा पुग्ने आधार गराएछन्।
हेर जेल तोडे र फरार भएका कैदी अपराधी,
हिनामिना आगलगि र कैदी फरार गराएछन्।
फाइदा कसले उठायो आन्दोलनबाट जेन्जी,
साम्राज्यवादीलाई देशको हकदार गराएछन्।
निर्दलिय व्यवस्था भोगने बा बाजेलाई सोधौं,
जसले जन्माए र जेन्जीको औतार गराएछन्।
उनैको रगत पसिनाले सिंचेको बञ्जर भूमि,
ज जसले तिमिलाई समेत उपहार गराएछन्।
उनैका छोरा नाती दुश्मनको भाउतामा लागी,
देशभित्र आगोको भेट सिहं दरबार गराएछन्।
॥१॥
खेलाडी कोही खेल कसैको खास भयो कसैलाई,
घर पोलियो र जान्यान गयो तमास भयो कसैलाई।
दुश्मनहरू निर्दोशको सिकार गर्दा ढुकेका हजारौँ,
कसैको हात लगाम सत्ताको आस भयो कसैलाई।
मिन बिनाको दाईँ छ भर नपरौँ अनुसाशनको सधैँ,
केही आसमा भएपनि त वाइपास भयो कसैलाई।
गर्छौ पाप धर्मकै कुरा लगाई आगो अर्कैको घरमा,
खै कसैको छानो तर धर्ती आकास भयो कसैलाई।
हामि धेरै मरेर स्वर्ग जाने आसमा छिया छिया छौँ,
हाम्रै यो पसिना रगत स्वर्गको बास भयो कसैलाई।
सबै गर्छ तर भ्रममा पर्छ आफ्नै छायाँसँग मान्छी,
कसैको दया र मायाँपनि सत्यनाश भयो कसैलाई।
॥२॥
