नेपाली कांग्रेसका सभापति गगनकुमार थापाले सङ्घीय र प्रदेश सरकारमा मन्त्रालयको सङ्ख्या घटाउने योजना सार्वजनिक गर्नुभएको छ। पार्टीको चुनावी प्रतिज्ञा सभामा उहाँले सङ्घमा बढीमा १६ वटा र प्रदेशमा ६ वटा मन्त्रालय मात्र रहने घोषणा गर्नुभयो।
सभापति थापाले गठबन्धनको नाममा भागबण्डा गरेर मन्त्रालय बढाउन नपाइने पनि स्पष्ट पार्नुभयो। उहाँले २०४६ सालपछिका कांग्रेस नेतृत्वमा सञ्चालित सरकारलाई ‘स्वर्णिम युग’को संज्ञा दिनुहुँदै राजनीतिक र आर्थिक परिवर्तनहरू पार्टीको नीति र मोडेलकै परिणाम भएको दाबी गर्नुभयो।
उहाँले प्राकृतिक प्रकोपबाट भएको क्षतिपूर्तिलाई आउँदो पाँच वर्षभित्र पुरा गर्ने प्रतिज्ञा गर्दै नेपाली नागरिकको प्रतिव्यक्ति आय २,५०० अमेरिकी डलर पु¥याउने प्रतिबद्धता व्यक्त गर्नुभयो।
सभापति थापाले संवैधानिक आयोगमा भागबण्डाको आधारमा नियुक्ति हुन नदिने र पाँच वर्षभित्र देशबाट भ्रष्टाचार पूर्णरूपमा अन्त्य गर्ने दाबी समेत गर्नुभयो।
कांग्रेसले आगामी चुनावमा मन्त्रालय कटौती, आर्थिक सुधार र पारदर्शिता सुनिश्चित गर्ने स्पष्ट नीतिगत रोडम्याप प्रस्तुत गरेको छ।
