बैतडी:
बैतडीको सिगास गाउँपालिकामा १२ हजार ८ सय ९० जना मतदाता कायम भएका छन् । जिल्ला निर्वाचन कार्यालय बैतडीले मतदाता नामावली अद्यावधिक गरेसँगै गाउँपालिकामा अघिल्लो प्रतिनिधिसभा निर्वाचनको तुलनामा ७ जना मतदाता घटेका हुन् ।
गत फागुनमा सम्पन्न प्रतिनिधिसभा निर्वाचनका बेला सिगास गाउँपालिकामा १२ हजार ८ सय ९७ जना मतदाता रहेका थिए । गएको चैतदेखि सुरु गरिएको मतदाता नामावली अद्यावधिक कार्यपछि भदौ १५ गतेसम्म १८ वर्ष उमेर पूरा भएका मतदाताको संख्या १२ हजार ८ सय ९० कायम भएको जिल्ला निर्वाचन कार्यालय बैतडीले जनाएको छ ।
मतदाता नामावली अद्यावधिक गर्ने क्रममा मृत्यु भएका मतदाताको नाम हटाइएको, दोहोरो नामावली भएका व्यक्तिको विवरण हटाइएको तथा गाउँपालिकाबाट अन्यत्र बसाइँसराइ गर्नेको संख्याका कारण मतदाता संख्यामा सामान्य कमी आएको जनाइएको छ ।
अद्यावधिक विवरणअनुसार सिगास गाउँपालिकाका ९ वटै वडामध्ये सबैभन्दा बढी मतदाता वडा नं. २ मा रहेका छन् । उक्त वडामा १ हजार ८ सय ५८ जना मतदाता कायम भएका छन् । सबैभन्दा कम मतदाता भने वडा नं. ४ मा रहेका छन् । उक्त वडामा १ हजार ९० जना मतदाता छन् ।
वडागत रूपमा वडा नं. १ मा १ हजार ४ सय ९ जना, वडा नं. २ मा १ हजार ८ सय ५८ जना, वडा नं. ३ मा १ हजार ३ सय ६४ जना, वडा नं. ४ मा १ हजार ९० जना र वडा नं. ५ मा १ हजार ४ सय ५१ जना मतदाता रहेका छन् ।
त्यस्तै, वडा नं. ६ मा १ हजार ६ सय ६३ जना, वडा नं. ७ मा १ हजार ३ सय २२ जना, वडा नं. ८ मा १ हजार १ सय ५१ जना र वडा नं. ९ मा १ हजार ५ सय ८२ जना मतदाता कायम भएका छन् ।
अघिल्लो निर्वाचनको तुलनामा मतदाताको संख्यामा सामान्य गिरावट देखिए पनि गाउँपालिकामा कुल १२ हजार ८ सय ९० जना मतदाता कायम भएका छन् । मतदाता नामावली अद्यावधिकले वास्तविक मतदाताको विवरणलाई व्यवस्थित र अद्यावधिक बनाउन सहयोग पुग्ने अपेक्षा गरिएको छ ।
