जिन्दगी सधै उक्कालो मात्र लाग्दैन ओरालो लाग्छ,
निर्धक्क बस तिम्रो मात्र होइन मेरै पनि पालो लाग्छ।
भन्छौ सरकारी नोकरी लगाई दिन्छु छोरालाई मैले,
जतिसुकै कोसिस् गर नोकरिमा नेताकै सालो लाग्छ।
आमा भन्नुहुन्थ्यो छोरा ऋण नलगाए बरू थोरै खानु,
फोहोर अशुभ हुन्छ ऋण लाग्दा घरमा जालो लाग्छ।
यो देशभित्र पनि विदेशका दलालहरू देखिन्छन् धेरै,
सम्वेदन्सिल ठाउँ हुन्छ त्यहाँ विदेशी गोठालो लाग्छ।
देश खतरामा पुगेको भान हुन्छ मित्र मलाई यसै गरी,
विदेशी चलखेल सरकारी उद्दोगमा पनि तालो लाग्छ।
ओरालो लाग्छन् स्थानिय दोकानदार बजारमा हेर्दा,
विदेशी धन्मान र व्यापारी सधैभरी उक्कालो लाग्छ।
॥१॥
हाम्रो देशमा न खोला न बगर सुरक्षित छ,
अरू कुरै छाडौँ न आफ्नै घर सुरक्षित छ।
मित्र चोरलाई चाबी दिएपछि त हुन्छ यस्तै,
ढुक्क पर्ने अबस्था छैन न सहर सुरक्षित छ।
देशभक्त शहीद भए देश र जनताको लागि,
उनिहरूकै न यो देशभित्र कदर सुरक्षित छ।
थोत्रा वहान झरझर पुल र भित्किन्छ बाटो,
गुल्टिन्छ गाडि याहाँ नत सफर सुरक्षित छ।
मदिरामा डुबेका मानव भन्छन् धार्मिक हौँ,
चढ्छ बली जताततै न जनाबर सुरक्षित छ।
कस्तो देश बनाए हाम्रा नेताहरूले आज यो,
आकास सुरक्षित न मित्रको भर सुरक्षित छ।
सुरेशकुमार पाण्डे दाङ घोराही १८
