गजल – मनमा सारी हौइरछ खुलदुली कुटुरी भुलिहैत ?

Image
Nisarga Hospital

गजल
तेरि मेरि सारा गथ्या चुकुली कुटिरी भुलिहैत?
रमाउँथ्या डाडा डौइलान – डुलि कुटुरी भुलिहैत?

CP Hospital Dhangadhi

स्कुल सँगै झन्थ्या ,सँगै खेलन्थ्या सँगै खन्थ्या
सन्तोष्या ,घुइर्या ,गिता मुकुली कुटुरी भुलिहैत?

तेरा जर्म्या काजका दिन मैले उपहार दियाको
सम्झनाको चिनो नाककी फुलि कुटुरी भुलिहैत?

तुइले भाती चाट्याका डाम गल्फुनमा ताज्जाइ
हलद्वानी बन ठन्णकी बुक्कुली कुटुरी भुलिहैत?

कसि हैनिहै हँ कै ठौर हनिहै हँ कैका घर हनिहै ,
मनमा सारी हौइरछ खुलदुली कुटुरी भुलिहैत?

गजल २ . देउडा भाकामा
निक्कौइ मान्स क्याइ बिगणेइ ,भयैं तैंत जाली
को हिटलो धै भणैत, अफ्नौइ इज्जत फाली

पाप लागन्छ घात लागन्छ, हिर्दय रोएया
बुढापाका मान्सुनलाई ,क्याई गरन्छै गाली

हनि गद्दी नहनि गद्दि , घर पुराई अणाल्ली
सम्झाई हाल घरिनालाई , नत धोका खाली

रात दिन लडाई गद्दी ,कि दुख दिया इसा
पल्ला घरा आमा बज्या , रुनान डाढ हाली

क्याई गरन्छै रिसराग,, दूध खानै घि खानै
लात हण्या लठ्ठी हण्या ,रिसाई झाली माली

पारस भट्ट प्यासी —
सुन्दरभुमी सेलि