आउ तिमी र हामि मिलेर संसार बनाऊँ,
मनको मैला फालौँ सफा व्यवहार बनाऊँ।
आज कुरिती समाजमा जताततै झाँगियो,
एक एक पाइला चालौँ सुसंस्कार बनाऊँ।
चिनाउँनु छ हिमाल पहाड तराई देशको,
देशकै लगाम छोप्ने बलियो औतार बनाऊँ।
एउटै शन्तानमा नगरौँ हामिहरू तनतानि,
सयौँ जातजातीहरू पल्ने रोजगार बनाऊँ।
सबै बिभेदकै अनत्य भनेकै वर्गिए एकता,
श्रमजिविहरू बाच्न सक्ने आधार बनाऊँ।
विरहरूको देश हो कहिल्यै दमन् सहेनौँ,
आफ्नै बलबुतामा बलियो औजार बनाऊँ।
॥१॥
घरमा ऋणको रास उसैलाई दँशै खास हुन्छ,
एकदिनको ऋण तिर्न वर्षदिन बनबास हुन्छ।
मदिरा नपिउँनु जुवा न खेलौँ थोरै खर्च गरौँ,
जो ऋणमा पर्छ ऊ जीवनभरीको दाश हुन्छ।
स्वाभिमानका कुरा गर्छौँ आर्काको दाश बनी,
त्यसैले हामी विरहरूको पनि उपहास हुन्छ।
बाजेको ऋण बाले बाको ऋण छोराले तिर्दा,
ऋण तिर्दा दिर्दै यहाँ पुस्तौँ पुस्ता लाश हुन्छ।
बा भन्नुहुन्थ्यो घर समाज चल्छ अनुसाशनले,
अचेल सत्य बचन त केवल बिरोधाभास हुन्छ।
सुरेशकुमार पाण्डे दाङ घोराही १८
