जस्ले कहिल्यै काम गरेन उही मालामाल हुन्छ,
जीवनभरी परिश्रम गर्ने किन सधैँ कङ्गाल हुन्छ।
कयौँ कुपोषणका सिकार भए बच्चा गरिबका,
धनमानका घरभित्र सबैथोक फालाफाल हुन्छ।
हामिले सबैलाई आफुजस्तै देख्छौँ आजभोली,
तर जताततै शोशक फटाहाको जञ्जाल हुन्छ।
गरिबहरू जीवनभरी साररिक परिश्रम गर्दापनि,
वेनाम हुन्छ फाटेका लुगा अनि रित्तो थाल हुन्छ।
थाहा छ जब एउटा भाई ढाल बन्छ दुश्मनको,
निश्चित हुन्छ दाइको पनि अकालमा काल हुन्छ।
गरिबको जिन्दगी अपहेलित छ पुँजिवादले गर्दा,
हाम्रो देशमा मार काट बबाल प्रत्येक साल हुन्छ।
॥१॥
आफ्नै देश छाड्ने रहर कसलाई हुन्छ,
देखने रहर रित्तो बगर कसलाई हुन्छ।
कामको अनिकाल हाम्रै देशमा केगरौँ,
गनतव्य हिनताकै खबर कसलाई हुन्छ।
दिंदैन मागेर चोरेर खानु स्वाभिमानले,
तर आर्कैको देशमा भर कसलाई हुन्छ।
बोकेर भारी कर्तव्यको डुल्छौँ विदेशमै,
यस्तोमा खुसिको अधर कसलाई हुन्छ।
न काम मिल्छ न आफ्नो जमिन जग्गा,
मानिसमा यस्तो अन्तर कसलाई हुन्छ।
यात्रु विदेशी मजदुर बनेर नर्कको बाटो,
प्रवाशी मजदुरको कदर कसलाई हुन्छ।
सुरेशकुमार पाण्डे दाङ घोराही १८
