पारस प्यासीको डोटेली गजल

Image
Nisarga Hospital

आहा आब्त लौन सेल पकन्ना तेरि बर्यातमा
लपालप हेल्वा सुजि खन्ना तेरि बर्यातमा

CP Hospital Dhangadhi

ओहो कति रुबस छन धेकेइ तेरा हुन्यावाला
रुबसी सब उनराइ मुख हेरन्ना तेरि बर्यातमा

भौती धन मन वाला पायै तु भाग्य मानी रैछैइ
आब्त डाँडाकाँडा बाजा बजन्ना तेरि बर्यातमा

छमछम्ति नच्चाकी आइजौँलो तेरा घर सुवा
जै बेला मारी छलिया नचन्ना तेरि बर्यातमा।

नाँचगान बाजा बर्यात आहा कति बणिया
छलिया गजबका ठोक हलन्ना तेरि बर्यातमा

कुरु कुरु गद्दा लौन सेल आल गोपिको साग
सारा गाउँका मान्स खनाइ झन्ना तेरि बर्यातमा

पारस भट्ट प्यासी-
सुदुरपश्चिम बैतडी