आज २०८२ साल पुस २३ गते बुधबार, तदनुसार सन् २०२६ जनवरी ७ तारिख परेको छ। आज माघ कृष्ण पक्षको चतुर्थी तिथि तथा अरनिको स्मृति दिवस पनि हो। हिन्दु धर्मशास्त्रअनुसार हप्ताको प्रत्येक बार कुनै न कुनै देवी–देवतासँग सम्बन्धित मानिन्छ। यही परम्पराअनुसार बुध ग्रहलाई समर्पित बार बुधबार हो।
बुधबार विशेषगरी विठाल देव, अर्थात् भगवान् कृष्णको पूजा गरिन्छ। यस दिन तुलसीको पात प्रयोग गरी पूजा गर्नु अत्यन्त शुभ मानिन्छ। धर्मग्रन्थहरूका अनुसार बुधबार नयाँ कामको थालनी गर्दा सफलता प्राप्त हुने विश्वास छ। साथै, भगवान् कृष्णको व्रत बस्ने भक्तजनले मनोकामना पूरा हुने फल पाउने जनविश्वास रहँदै आएको छ।
बुधबार गरिने केही शुभ कर्मले दीर्घकालीन सकारात्मक प्रभाव पार्ने मान्यता छ। यस दिन गाईलाई हरियो घाँस खुवाउनु, मुंगको दाल दान गर्नु तथा भगवान् गणेशलाई सिन्दुर वा लड्डु चढाउनु विशेष फलदायी मानिन्छ। यी कर्मले बुध ग्रहको दोष निवारण भई जीवनमा सुख, शान्ति र समृद्धि प्राप्त हुने धार्मिक विश्वास छ।
