नयाँ सोच, नयाँ अठोटसहित बझाङबाट प्रकाश रसाइली स्नेही चुनावी मैदानमा

Image
Nisarga Hospital

रमेश बहादुर सिंह /बझाङः नेपाली कांग्रेसका प्रतिनिधि सभा सदस्य पदका उम्मेदवार प्रकाश रसाइली स्नेहीले “नयाँ सोच, नयाँ अठोट, आशा, भरोसा सहित रुख चिन्हमा भोट” भन्ने नारासहित बझाङमा चुनावी अभियानलाई तीव्र बनाउनु भएको छ। जनताको चाहना, आवश्यकता र अपेक्षालाई केन्द्रमा राख्दै समृद्ध, समावेशी र उत्तरदायी प्रतिनिधित्वको प्रतिबद्धता व्यक्त गर्नुभएको छ।

CP Hospital Dhangadhi

उम्मेदवार स्नेहीले विगतदेखि नै जनताको सुख–दुःखमा साथ दिँदै आएको अनुभवलाई आगामी दिनमा अझ प्रभावकारी रूपमा प्रयोग गर्ने बताउनुभयो। शिक्षा, स्वास्थ्य, रोजगारी, पूर्वाधार विकास तथा सामाजिक न्यायलाई प्राथमिकतामा राख्दै संसदमार्फत जनताको आवाज बुलन्द बनाउने उहाँको प्रतिबद्धता रहेको छ।

स्थानीय तहदेखि केन्द्रसम्मको अनुभव बोकेका स्नेहीले युवाको भविष्य सुरक्षित गर्ने, किसान तथा श्रमिकको हित सुनिश्चित गर्ने र सुशासनमार्फत देशलाई सही दिशातर्फ अघि बढाउने लक्ष्य राख्नुभएको छ। उहाँले विकास निर्माणमा पारदर्शिता, जवाफदेहिता र जनसहभागितालाई विशेष महत्व दिने बताउनुभयो।

चुनावी भेटघाट तथा सभाहरूमा आम नागरिकले देखाएको उत्साहजनक सहभागिताले आफ्नो जीत सुनिश्चित हुने विश्वास उम्मेदवार स्नेहीले व्यक्त गर्नुभएको छ। उहाँले लोकतन्त्र, संविधान र जनअधिकारको संरक्षणका लागि रुख चिन्हमा मतदान गर्न सबै मतदातालाई आग्रह गर्नुभएको छ।