सुदूरपश्चिम राष्ट्रिय सभा निर्वाचन: लीला भण्डारी र खम्मबहादुर खाती विजयी, एमाले–कांग्रेस गठबन्धनको सफलता

Image
Nisarga Hospital

सुदूरपश्चिम प्रदेशबाट राष्ट्रिय सभा सदस्यमा नेकपा एमालेकी लीला कुमारी भण्डारी र नेपाली कांग्रेसका खम्मबहादुर खाती विजयी भएका छन्। प्रदेश निर्वाचन कार्यालय धनगढीका प्रमुख प्रेमराज भट्टका अनुसार महिला तर्फ भण्डारीले ३,९८४ मत प्राप्त गरी विजयी भएकी हुन्। उनका प्रतिद्वन्द्वी नेपाली कम्युनिष्ट पार्टीकी रोजी बस्नेतले १,६७६ मत प्राप्त गरिन्।

CP Hospital Dhangadhi

अर्कोतर्फ, पुरुष तर्फ नेपाली कांग्रेसका खम्मबहादुर खातीले ३,९६९ मत प्राप्त गरी विजयी भएका छन्। उनका प्रतिद्वन्द्वी नेकपाका टिकाराम जैशीले १,८०५ मत प्राप्त गरे। प्रदेशसभा सदस्य ५३ मतभार र पालिकाका प्रमुख, उपप्रमुख, अध्यक्ष र उपाध्यक्षको १९–१९ मतभार रहेको हुँदा कुल २ सय २० मत खसेको छ। जम्मा मतदाता संख्या २ सय २४ रहेकोमा ४ मत खस्न सकेनन्।

मतदान नगर्नेमा नेपाली कांग्रेसका प्रदेशसभा सदस्य प्रकाश देउवा, राप्रपाका प्रदेशसभा सदस्य खेमा विष्ट, धनपाका प्रमुख गोपाल हमाल र जोशिपुर गाउँपालिका उपाध्यक्ष रेखा कठरिया रहेका छन्।

महिला र पुरुषतर्फ दुई–दुई सदस्यका लागि भएको निर्वाचनमा चार उम्मेदवार प्रतिस्पर्धामा थिए। विजयी भण्डारी र खातीले एमाले–कांग्रेस गठबन्धनको बलियो उपस्थितिको संकेत गर्दै सुदूरपश्चिमको राष्ट्रिय स्तर प्रतिनिधित्व गर्नेछन्। निर्वाचन शान्तिपूर्ण र व्यवस्थित रूपमा सम्पन्न भएको जनाएको छ।