नेपाली बजारमा मंगलबार सुन र चाँदी दुवैको मूल्यमा गिरावट आएको छ। सोमबार तोलामा १,९०० रुपैयाँले बढेको सुनको भाउ यस दिन १,३०० रुपैयाँले घटेको हो।
नेपाल सुनचाँदी व्यवसायी महासंघका अनुसार आज सुन प्रतितोला रु २ लाख ९१ हजार ५ सयमा कारोबार भइरहेको छ। सोमबार भने सुन प्रतितोला रु २ लाख ९२ हजार ८ सयमा किनबेच भएको थियो।
त्यस्तै, चाँदीको मूल्य पनि घटेको छ। सोमबार प्रतितोला रु ५ हजार १ सय ५० मा कारोबार भएको चाँदी मंगलबार रु ५ हजार ६० मा झरेको छ, जसअनुसार प्रतितोला ९० रुपैयाँको गिरावट देखिएको छ।
अन्तर्राष्ट्रिय बजारमा पनि सुनको मूल्यमा उतारचढाव देखिएको छ। आज सुन प्रतिऔंस ४ हजार ५ सय ६५ अमेरिकी डलरमा कारोबार भइरहेको जनाइएको छ। बजार विश्लेषकहरूले अन्तर्राष्ट्रिय माग र डलरको प्रभावले मूल्यमा अस्थिरता देखिएको बताएका छन्।
