फिफा विश्वकपको अन्तिम ३२ अन्तर्गत टोरन्टोमा भएको रोमाञ्चक खेलमा पोर्चुगलले क्रोएसियालाई २–१ ले पराजित गर्दै अन्तिम १६ मा स्थान सुरक्षित गरेको छ। इन्जुरी समयको चौथो मिनेटमा गोन्सालो रामोसले गरेको निर्णायक हेड गोलले पोर्चुगललाई जित दिलायो। इन्जुरी समयमा क्रोएसियाले गरेको बराबरी गोललाई अफसाइड ठहर गर्दै रेफ्रीले अस्वीकार गरेपछि मैदानमा केहीबेर विवादसमेत भएको थियो।
पहिलो हाफ गोलरहित बराबरीमा सकिएको खेलमा ५३औँ मिनेटमा इभान पेरिसिचले क्रोएसियालाई अग्रता दिलाएका थिए। त्यसको १५ मिनेटपछि कप्तान क्रिस्टियानो रोनाल्डोले पेनाल्टीमार्फत गोल गर्दै खेल १–१ को बराबरीमा ल्याए। ८१औँ मिनेटमा प्रशिक्षकले रोनाल्डोलाई विश्राम दिँदै युवा खेलाडी उतार्ने निर्णय गरेका थिए, जुन अन्ततः सफल सावित भयो।
राफायल लियाओको उत्कृष्ट क्रसमा रामोसले हेडमार्फत गोल गर्दै पोर्चुगललाई जित दिलाए। अब क्वार्टरफाइनल प्रवेशका लागि पोर्चुगलले अन्तिम १६ मा स्पेनसँग प्रतिस्पर्धा गर्नेछ।
