बैतडीः जबरजस्तीकरणी र सार्वजनिक कसुरविरुद्धको मुद्दामा फरार रहेका बैतडीका चार जना प्रतिवादी पक्राउ परेका छन् ।
पक्राउ पर्नेमा जिल्लाकाे सिगास गाउँपालिका–३ बस्ने अमरसिंह धामी, मनोजसिंह धामी र राजेन्द्रसिंह धामी र नरबहादुर धामी रहेका बैतडीका प्रहरी प्रवक्ता,प्रहरी निरीक्षक खेमविक्रम केसीले जानकारी दिनुभयो ।
एक महिना कैद सजाय ठहर भई उनीहरू फरार रहेका थिए। जिल्ला प्रहरी कार्यालय बैतडीबाट खटिएको प्रहरी टोलीले फेला पारी उनीहरुलाई पक्राउ गरिएको जनाएको छ ।
फैसला कार्यान्वयनको लागि चारै जनालाई जिल्ला अदालत समक्ष पेश गरिसकेपछि उनीहरुलाई कारागार चलान गरिएको छ।
