युक्रेनी राष्ट्रपति भोलोदिमिर जेलेन्स्की ह्वाइट हाउसको औपचारिक भ्रमणमा जाने भएका छन्। अमेरिकी राष्ट्रपति डोनाल्ड ट्रम्पका अनुसार दुई देशबीच प्रस्तावित खनिज सम्झौतामा हस्ताक्षर गर्न जेलेन्स्की शुक्रबार ह्वाइट हाउस पुग्नेछन्।
यसअघि अस्वीकार गरेको सम्झौतामा युक्रेनले सहमति जनाएको छ, जसले ट्रम्प प्रशासनलाई सन्तुष्ट पार्ने देखिन्छ। तर, सम्झौतामा युद्धग्रस्त युक्रेनलाई सुरक्षा प्रत्याभूति दिने कुनै प्रावधान समावेश गरिएको छैन।
युद्धविराम भएको एक महिना नपुग्दै रुसले फेरि आक्रमण गरेमा युद्धविराम सम्झौताले कुनै अर्थ नराख्ने युक्रेनको रणनीति उद्योग मन्त्रालयका सल्लाहकार युरी साकले बताएका छन्। ट्रम्पका अनुसार खनिज सम्झौताले युक्रेनलाई संघर्ष जारी राख्ने अधिकार दिनेछ।
यद्यपि, ट्रम्पले सम्झौता अन्तिम चरणमा पुगेको आधिकारिक रूपमा पुष्टि गरेका छैनन्।
