📈 सुनको मूल्यमा उछाल तोलामै ३८०० वढ्यो !, चाँदी पनि महँगियो

साताको कारोबारको तेस्रो दिन मंगलबार नेपाली बजारमा सुनको मूल्य उल्लेख्य रूपमा बढेको छ। कारोबारको अघिल्लो दिनको तुलनामा आज सुनको मूल्य प्रतितोला ३ हजार ७ सय रुपैयाँले वृद्धि भएको हो। यससँगै छापावाला सुनको मूल्य नयाँ उचाइतर्फ उक्लिएको छ।
सोमबार प्रतितोला २ लाख ८६ हजार ६ सय रुपैयाँमा कारोबार भएको छापावाला सुन मंगलबार ३७ सय रुपैयाँले बढेर प्रतितोला २ लाख ९० हजार ३ सय रुपैयाँमा कारोबार भइरहेको छ। पछिल्ला दिनहरूमा अन्तर्राष्ट्रिय बजारको प्रभाव र स्थानीय मागका कारण सुनको मूल्यमा निरन्तर उतारचढाव देखिँदै आएको छ।
यता, चाँदीको मूल्य पनि बढेको छ। मंगलबार चाँदीको मूल्य प्रतितोला १३५ रुपैयाँले बढ्दै ५ हजार ३ सय ३५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। महासंघका अनुसार प्रति १० ग्राम छापावाला सुनको मूल्य २ लाख ४८ हजार ८ सय ८५ रुपैयाँ र प्रति १० ग्राम चाँदीको मूल्य ४ हजार ५ सय ७४ रुपैयाँ कायम भएको छ।