धनगढीस्थित सेती प्रादेशिक अस्पताल व्यवस्थापन समितिमा नवनियुक्त पदाधिकारीहरूले आज पदभार ग्रहण गरेका छन्। नयाँ अध्यक्षमा बलराम जैशी भट्ट चयन भएका छन् भने सदस्यमा दिनेशराज भट्ट, निरन्जन शाह र सरिता कुमारी चौधरी रहेका छन्।
पदभार ग्रहण गर्दै अध्यक्ष भट्टले अस्पतालको समग्र विकास, सेवासुविधा सुधार र समुदायमैत्री स्वास्थ्य व्यवस्था सुनिश्चित गर्न आफू पूर्ण रूपमा कटिबद्ध रहने प्रतिबद्धता व्यक्त गरेका छन्। समितिले आगामी दिनहरूमा स्वास्थ्य सेवा विस्तार, कर्मचारी सक्षमता अभिवृद्धि र आधुनिक उपकरण तथा पूर्वाधार विकासमा विशेष ध्यान दिने जनाएको छ।
यस कदमले सेती प्रादेशिक अस्पतालको व्यवस्थापनमा नयाँ ऊर्जा र सुधारको आशा जगाएको छ।
