नेपाली बजारमा आज सुनको मूल्यमा सामान्य गिरावट आएको छ भने चाँदीको मूल्य केही बढेको छ। नेपाल सुनचाँदी व्यवसायी महासंघका अनुसार छापावाल सुनको मूल्य अघिल्लो कारोबार दिनको तुलनामा प्रतितोला २०० रुपैयाँले घटेको हो।
महासंघले आज छापावाल सुनको मूल्य प्रतितोला ३ लाख १० हजार ९ सय रुपैयाँ कायम गरेको छ। आइतबार भने सुन प्रतितोला ३ लाख ११ हजार १ सय रुपैयाँमा कारोबार भएको थियो। आज १० ग्राम सुनको मूल्य २ लाख ६६ हजार ५४५ रुपैयाँ निर्धारण गरिएको छ।
यता, सुनको मूल्य घटे पनि चाँदीको मूल्यमा भने सामान्य वृद्धि देखिएको छ। आज चाँदी प्रतितोला १० रुपैयाँले बढेर ५ हजार ३५५ रुपैयाँ पुगेको महासंघले जनाएको छ। अघिल्लो दिन चाँदी प्रतितोला ५ हजार ३४५ रुपैयाँमा कारोबार भएको थियो।
महासंघका अनुसार आज १० ग्राम चाँदीको मूल्य ४ हजार ५९१ रुपैयाँ कायम गरिएको छ। पछिल्ला दिनहरूमा सुन–चाँदीको मूल्यमा उतारचढाव जारी रहेकाले बजारको गतिविधि र अन्तर्राष्ट्रिय मूल्य प्रवृत्तिले आगामी दिनको मूल्य निर्धारणमा प्रभाव पार्ने अपेक्षा गरिएको छ।
