संयुक्त राज्य अमेरिका र इरानले मध्यपूर्वमा जारी युद्ध अन्त्य गर्न ‘२४ घण्टाभित्र’ सम्झौता गर्न सक्ने संकेत प्रमुख मध्यस्थकर्ता पाकिस्तानले दिएको छ। महिनौँदेखि जारी द्वन्द्वले मध्यपूर्वसँगै विश्व अर्थतन्त्रमा समेत गम्भीर असर पारेको बताइएको छ।
स्ट्रेट अफ हर्मुज क्षेत्रमा पछिल्ला दिनहरूमा नयाँ झडप देखिए पनि वार्तामा संलग्न पक्षहरू सम्झौता अन्तिम चरणमा पुगेको दाबी गरिरहेका छन्। यसअघि अप्रिल ८ मा भएको युद्धविरामपछि दीर्घकालीन शान्ति सम्झौताका लागि निरन्तर वार्ता भए पनि निष्कर्ष निस्कन सकेको थिएन।
पाकिस्तानी प्रधानमन्त्री शहबाज सरिफले सामाजिक सञ्जाल एक्समा लेख्दै धेरै विषयमा सहमति भइसकेको र स्थायी शान्तिको सम्झौतामा पुग्ने सम्भावना अत्यन्त नजिक पुगेको बताएका छन्। उनका अनुसार, आगामी २४ घण्टाभित्र सम्झौता अन्तिम रूप पाउन सक्छ।
सरिफले थप लेखेका छन् कि पाकिस्तानले शान्ति सम्झौतामा इलेक्ट्रोनिक हस्ताक्षरको तयारी गरिरहेको छ भने अर्को सातादेखि प्राविधिक स्तरका वार्ता अगाडि बढाइनेछ। मध्यपूर्वमा दीर्घकालीन स्थायित्वका लागि यो प्रयास निर्णायक हुने अपेक्षा गरिएको छ।
