फिफा विश्वकप फुटबल २०२६ को सेमिफाइनल समीकरण पूरा भएको छ। आइतबार बिहान अन्तिम क्वार्टरफाइनल खेल सम्पन्न भएसँगै विश्व फुटबलका शीर्ष चार वरीयताका टोलीले अन्तिम चारमा स्थान सुरक्षित गरेका छन्।
फिफा विश्व वरीयतामा पहिलो स्थानमा रहेको फ्रान्सले मोरक्कोलाई २–० गोलअन्तरले पराजित गर्दै सेमिफाइनल यात्रा तय गरेको हो। दोस्रो वरीयतामा रहेको अर्जेन्टिनाले स्विट्जरल्यान्डलाई ३–१ ले हराउँदै अन्तिम चारमा स्थान बनायो।
यस्तै, तेस्रो वरीयताको स्पेनले बेल्जियमलाई २–१ ले पराजित गर्दै सेमिफाइनल प्रवेश गरेको छ। चौथो वरीयताको इंग्ल्यान्डले पनि नर्वेमाथि २–१ को जित निकाल्दै अन्तिम चारमा आफ्नो स्थान सुरक्षित गरेको हो।
अब पहिलो सेमिफाइनलमा फ्रान्स र स्पेन आमनेसामने हुनेछन् भने दोस्रो सेमिफाइनलमा अर्जेन्टिना र इंग्ल्यान्डबीच रोमाञ्चक प्रतिस्पर्धा हुनेछ। चारै टोली पूर्व विश्वविजेता भएकाले यस संस्करणमा पनि नयाँ विश्वविजेता नबन्ने निश्चित भएको छ।
