जोर्डनमा रहेको अमेरिकी सैन्य अड्डामाथि इरानले ब्यालिस्टिक क्षेप्यास्त्र र विस्फोटक ड्रोन प्रयोग गरी ठूलो हवाई आक्रमण गरेको अमेरिकी सेनाले पुष्टि गरेको छ। आक्रमणमा दुई अमेरिकी सैनिकको मृत्यु भएको, एक जना बेपत्ता भएका र अन्य चार जना घाइते भएको जनाइएको छ। घाइते सैनिकहरूको स्थानीय अस्पतालमा उपचार भइरहेको छ।
अमेरिकी सेनाका अनुसार आक्रमण सुरु भएपछि प्रतिरक्षा प्रणाली सक्रिय पारेर जवाफी प्रयास गरिएको थियो। सुरक्षा संवेदनशीलताका कारण मृत्यु भएका सैनिकहरूको परिचय सार्वजनिक गरिएको छैन।
मध्यपूर्वमा बढ्दो तनावका बीच प्रत्यक्ष इरानी आक्रमणबाट अमेरिकी सैनिकको मृत्यु भएको यो पहिलो घटना मानिएको छ। यस घटनाले क्षेत्रीय सुरक्षा अवस्था थप जटिल बनेको विश्लेषण गरिएको छ। घटनापछि ह्वाइट हाउस र अमेरिकी रक्षा मन्त्रालय (पेन्टागन) ले आकस्मिक बैठक बोलाएका छन्। अमेरिकाले यस आक्रमणप्रति कस्तो प्रतिक्रिया जनाउने भन्ने विषयलाई अहिले विश्व समुदायले चासोका साथ हेरिरहेको छ।
