
म माथि सधैं अन्याय हुन्छ अत्याचार हुन्छ,
मलाई भने किन यिनै कुपुत्रसँग प्यार हुन्छ।
मात्रृत्वसँग प्यार गर्छन् अरूका छोरा-छोरी,
यहाँ किन मै माथि अनैतिक व्यवहार हुन्छ।
घायल बनायो छिमेकीले कुपुत्र दलाल हुँदा,
जहिल्यै पनि यहाँ आकार्मण लगातार हुन्छ।
हेरी रहन्छन् ट्वालपरी अश्मिता लुटिंदा पनि,
किन आफ्नै शन्तान् दुश्मनकै बफादार हुन्छ।
कसको भर परौँ राता र सेता सबैले दुनो सारे,
उनैले घांटी जोड्छन् जसको सरकार हुन्छ।
भन्छन् राजनीतिले मात्र देश बनाउँछ बलियो,
तर यहाँ त राजनीतिमै सधैंभरी व्यापार हुन्छ।
कस्तो गणतन्त्र आयो यार यस्तो हाम्रो देशमा,
कहिले सडक कहिले सदनमा मारामार हुन्छ।

॥१॥
समाजमा मायाँ प्रिती भन्ने मात्र रहर भयो,
मनभित्र त पानी सुकेको एउटा बगर भयो।
आफ्नो पराण बलिदान गरायो जस्कालागि,
उसैले देखेन र मायाँ प्रतिबाटै वेखबर भयो।
त्याग र बलिदानको मिश्रणनै हो मायाँ प्रिती,
त्यसैमा कयौँ मानिसको जीवन निर्भर भयो।
निस्वार्थ भेट्न गारैछ प्रेम नि पैसामा बिक्छ,
अचेल कसैलाई रहर र कसैलाई कर भयो।
मानिसहरू स्वास्थ बन्न औषधी कती खान्छ,
एकघन्टा पदयात्रा गर्नलाई नै किन डर भयो।
॥२॥
सबैमा पुजा भन्दा कामको लगन हुनुपर्छ,
गलत संस्कार सँग सधैभरी अमन हुनुपर्छ।
अनुसाशन भित्र बाँधिएको हुन्छ बलियो,
अन्याय अत्याचार सँग सधैं जलन हुनुपर्छ।
घमण्ड गरेर केगर्छौ मसान घाटमा जानेहो,
सबैलाई त्यहाँ सम्म पुराउँने दर्पन हनुपर्छ।
उसले धन कमायो र कमाउँदै छ अँझै पनि,
भन्छ सबैलाई नभैनहुँने आज धन हुनुपर्छ।
मानवतानै कुहिराको काग भयो धनले गर्दा,
म भन्छु चारजना मलामी र कफन हुनुपर्छ।
॥३॥
विदेशी आउँछ केही दिनमै साहुकार बन्छ,
के खानदिन्छ सरकार पनि बफादार बन्छ।
आज सन्तानले देश छाड्न बाध्य भए हाम्रो,
आधा नागरिक बिदेश देशमा सरकार बन्छ।
पत्तै लाग्दैन कुन निर्दोश हुन्छ कुन अपराधी,
न्याय निसाब समेत यो देशमा व्यापार बन्छ।
राजनीति भित्र पनि ठुलो राजनीति हुँनेगर्दा,
आफ्नो सन्तान्,सन्तान मार्ने हतियार बन्छ।
खै कसलाई रहर हुन्छ देश छड्ने घर छाड्ने,
बेरोजगार भएपछि बाध्यता नै आधार बन्छ।
भत्ता खाएर गफ लगाउँन सजिलो हुन्छ सधैं,
किन विदेश जान्छ सोध जो वेरोजगार बन्छ।
॥४॥
बुद्ध पुर्णिमा बाट केही सिकौँ सिकाउँ हामी,
सबै मिलेर यो देशलाई बलियो बनाउँ हामी।
गौतम बुद्ध शान्तिका दुत् प्रेणालिनुपर्छ सधैं,
बुद्धको संदेश बोकेर हिंडौँ गाउँ गाउँ हामी।
देशमा आकारमण हुँदैछ बुद्धकै नाउ लिएर,
सारा नेपाली फाटेको मनलाई सिलाउँ हामी।
देश विदेशमा छरिएर बसेका नेपाली सबैले,
यो देशको निमित्त थोरै पसिना मिसाउँ हामी।
आउ सारा नेपालीहो हिमाल पहाड तराईका,
देश बिदेशमा बुद्धको अभियान उठाउँ हामी।
संसारमा बुद्धको इतिहासलाई बङ्गाएकै वेला,
वीरहरूको नसान- सामा जोस देखाउँ हामी।
सुरेशकुमार पाण्डे दाङ घोराही १८





























